晚上，有個人在醫院內，不斷的盤算將來怎樣，將來點算，她便是車國良，她仍是不相信現實；不停的往廁所照鏡，百思不得其解，不停的在廁所與病床之間徘徊，這樣便過了一晚。 早上，醫生巡房了，醫生看了她一眼，一邊寫病歷一邊說：「咦，你精神好差喎。點呀，喺醫院瞓唔慣，定係有啲乜嘢問題無？」。 叮！一聲，既然想不通，何不問問專業人士，於是車神問了醫生一個不是病人要問的問題：「醫生，到底你信唔信在呢個世上有靈魂？如果有，萬一兩個人的靈魂與肉身調換了，會有乜嘢事發生？」 醫生想了一會：「呢個問題，就當我以一個朋友的身份答你，靈魂呢樣嘢，雖然在好多宗教都有提及，但無一個好有力的證據證明得到在呢個世上到底有無靈魂，所以一切都是假設，如果假設無，便乜事都唔會發生；假設有，而又調轉咗身體，跟據一些好有力的醫學報告，人的記憶、生活習慣、經驗都會存在腦內的海馬區，所以如果調轉咗身體，其中一個人便會知道另一個人的一切事情、一切秘密、一切心事，當然，我唔知道靈魂係點樣，所以呢個答案都係假設性，點呀？就係呢個問題搞到你殘哂？」 「我尋晚成晚無瞓，睇怕我老婆都快要離開我。」車神答。
(閱讀全文)有些地方，最適合用來講說話；用來講些不想其他人聽到的說話，例如廁所。
在某旅行社寫字樓的男廁內，有兩條男人正在傾偈。大葉：「喂，最近有無發現啲新場呀，嚟嚟去去得嗰幾間，好叉悶呀。
車神斜視了他一眼，說：「悶唔悶，睇你點玩法啫，你睇。」車神隨手從袋口中取出一個咭片袋向大葉一伸。大葉打開一睇，
「咦，喺邊度執條金毛返來呀？而家興搞鬼？」
「你錯啦，要執就成床都係啦，係從小麗身上採摘得來既。咁至夠新鮮嘛～。」
「嘩！嘩！衰得你～呀！衰得佢吖，而家竟然得人染金毛。喂，今晚陪我一齊上去啦，事不宜遲呀，遲咗比人摘哂就無架啦。」
車神：「唔得呀，今晚起要同隻乸泰國五天遊。」
此時豬潤同毛倫剛入來，「喂，你兩個唔等人架，點呀，睇吓有乜新嘢……」此時大葉交條毛俾豬潤睇，「咦，就係呢條，嘩，睇見聯想吓都想要，今晚一齊上啦，我出去同你隻乸請假。」
毛倫半贈興式話：「算啦，車神哥，食得郊外油菜多，間中都要返屋企食吓住家菜，唔滋潤吓佢會黃架。」
大葉陰陰咀笑著說：「女人三十如狼似虎，呢幾日，你最好帶齊槍袋，唔係整件泰國貨返來，到時你想再去玩都幾艱難。今晚就等我代替你慰藉小麗啦，唔好意思，我哋又要做老衿。」
車神滿面無奈地說：「我一早知你幾條友同佢有嘢啦，等我返嚟睇我點對你華女吖啦。」
「好呀，到時八國聯軍大串燒吖。我無所謂呀，哈哈哈。」大葉同車神愈講愈興奮，己經唔記得入咗廁所好耐。更加無留意寫字樓外的其他人。
有些人，知道廁所這個地方；最適合用來講說話，講些不可讓某些人知的說話，例如老婆。
(閱讀全文)Hi，各位你哋好，而家呢個Blog已經係屬於我㗎啦，因為金剛好唔得閒，佢喺個籠度打哂手勢又做哂動作咁同我話：「我在五至六月好忙，因為又要測驗、交功課、考試，會一直至六月後期至比較得閒咁話，然後七月再忙過；佢仲話好想我代表佢多謝支持呢個Blog 的朋友，包括Dee君、 雞葉蟲、東風君、Henbug Yip、 Marksman、Counter friend和大家等等，仲有好耐不見Amanda，便稱英雄也枉然既靚女Amanda。大家等等，即係唔係叫大家等等，而係“大家等等”；特別係Dee君，真係要好多謝你。」至於佢點樣用手勢加身體語言表達咁多嘢？呢啲當然係我同佢之間嘅秘密啦。
(閱讀全文)「叮咚叮咚叮咚……叮咚叮咚……叮咚……」一輪門鈐聲沒有間斷過，正在亨受淋浴的我實在不想去接門，試問有誰會來探訪這個獨身居住的我？但……「咦，咪住先，如果火燭，我咪好蝕？都係出去睇睇乜事先。」我說。
於是成身水的我只用有巾包著下身便行出去開門，一路上覺得有啲古怪，因為……「咦，門鈐聲的節奏好熟喎，莫非……。咪啦，都係在防盜眼睇睇係邊個先？」我心想。一睇之下，咦，竟然無人，但門鈐照響，就算午夜兇鈐都唔駛咁兇啦，係嘛？
門一開，妳一彈便彈了出來，企在我的門口，眼睛同我一樣，濕淋淋的；接著便「蓬」一聲掉下兩箱行李；我情不自禁地叫了一聲：「哎喲！真係好兇。」；跟住妳一邊張開雙手一邊快步走過來，仲一路叫：「Baby……」，我便馬上入後波一路倒後走入屋，我哋之間，只有一步多的距離，「企係度啦！做乜呀你！」此一刻比妳一鬧，唔止時間停頓，直情仲左、右轉多半個圈添，似足廿二世紀殺人網絡咁，勁呀！
(閱讀全文)今天，在睡床上輾轉反側了好久，心中反復想著一件很重要的事，猶豫再猶豫，心想：「到了今天，我覺得我們之間必須要來一個決定，無謂再拉拉扯扯，事隔那麼多年，都已經是時候。但，小蜜蜂應該如何開口？」
今天，公司很忙，因為老闆突然宣布美國的客戶到了香港，而且打算在明天才開的會議，改在今天；這個會，事前我已為它做了很多功夫，因為我已準備充足，即使提前都不成問題。 只可惜，中午的時候，細華的一杯咖啡卻壞我好事；當我去完洗手間的時候，給他撞到正，整杯咖啡把我的套裝染成啡色，連我的鞋內都充滿了香噴噴的咖啡，我恨不得把他一啖吞到肚裏，說：「中午流流，剛吃完飯，你飲乜咖啡呀！」 此刻老闆剛好走過，見到我的樣子，說：「嘩，吳靜芷，你想點呀？就快開會啦。」
(閱讀全文)聽說人死後，當要接近投胎之前，會先到一個叫做‘世間瓷窯’的地方造碗；過程是所有人獲安排到一個瓷窯，各自尋找一位自己喜歡的伙伴，之後，大家互相了解，這過程絕對沒有時間限制；當他們覺得是適當時候，上天會分派一塊陶土給他們，一起完成一隻碗；他們先要將陶土放在兩人中間，大家面對面，互相握著對方雙手，閉上眼，想念著對方，這個過程必須要專注，否則，造出來的碗子，必然是差勁；或者說，是醜陋、不完整、有很多裂痕、又或者是奇形怪狀，跟本談不上是一隻碗；當彼此專注時，這塊陶土會慢慢冒煙，若干時間之後，這塊陶土便會發出耀眼的光芒，最後，一隻碗在兩人的面前；當完成之後，再接受月老祝福，便可以繼續投胎的過程了。
(閱讀全文)
